03


Inventaio
                 video off-line

U nu l'é ûn vucabuláiu o qualcosa ch'u razenta u l'é sulu 'n'inventáiu
fætu á ûn mûggiu de rûmenta.

Pe chi s'addorme, oa mi l'addesciu: osse de pèrsegu, resche de pesciu,
bûste de léttere, føgge de cou,ti gh'æ de tûttu føa che de l'ou, carte geugráffiche, tocchi de spegiu,pumelli, fíbbie, du pannu vegiu,
frexetti e nastre de cappelinn-a,chí t'æ de cumbi o de galinn-a teste, retaggi, gosce, ventraggi, burse de pelle, mûggi d'armelle, piccagge, fiársue, braghe sguaræ,ûn pá de guanti, bertelle ûzæ,setti de paggia, vazi, terraggia,curbéllie e massi de fiuri passi,lamme da barba, caffè de bratta,d'e scorse d'øvu o de patatta,ûn portaçégnie tipu alabastru,d'e sampe d'ánnitra o de pullastru,ciave cua rûzzine, di petenin,spassúie vege, magnæ de crin,tappi de natta, ciûmme d'oxelli,meza pûgnatta, scarpe, cappelli,scáttue de lamma, nailu, cartun... e chí l'elencu cuntínua ancun... gotti, cicchette cu'ûnna vennøia, spagu, mullette, zetto e serrøia,
føgge de çéllau, pappé de strassa, scorse de músculu e de lûmassa,
meddicinali, fiale e sciringhe, 'na fascia elástica, bricchetti e stringhe,
penne, quaderni, puisci, bazann-e,rivestimenti de damixann-e,d'a carbuniggia, quarche buttiggia,tundi, cuppette, fiddei, trenette,
carte da zøgu, agugge, spilli,mûggi de pûa, strasse, mandilli,poi atra roba che n'ho ciû in mentee di binòcculi ch'en sensa lente,cartûgge scárreghe, cruste de pan... pe tûttu u restu passæ duman!

U nu l'é ûn vucabuláiu o qualcosa ch'u razenta u l'é sulu 'n'inventáiu
fætu á ûn mûggiu de rûmenta.