ou ti Nicolla! ben comme l'é anaeta lì co
a scignoa? T' ou sae ti quello che t' ae guagnu! No me
fa parlà soccio, t' ho faeto un po' de guagnu,
sci! O l' ea 'na scignoa de manega larga, famme o
piaxei! Due valixe che paivan guardarobi che no se saiva
da che parte ciapale e con lè derè ch' a
me diva ognimomento: non la mesci, faccia piano , non
scontri da nessuna parte, gir' a destra, prenda la
montata, chini due scalini, ne monti quattro, attento
che ci tocca eh! vada sciu per la scala, tiri il
sonaglio, mi lasci intrare, faccia cianin che c'è
gente e poi...e chissà cos' a t' ha daeto! ehh,
te m' ha incomensou a dì che l'é poco che
ghe morto o majo, che seu figgio o l'é a Marasci,
ch' a l'ha n'atra figgia marotta, che o padron de casa o
gh' a daeto o sfratto, che lé quattro giorni ch'
a no mangia...e a-a fin d' a foa me tuccou daghe ancon
doi franchi a le! E a me anaeta ben eh! te me sucedan
propio tutto a mi
L' atr' otta turna! Te vaddo cu unn-a strapunta in
çimm-a do tutto, d' un pallasso, de quelli cun a
ringhea e u veu into mezo; Ebben, in çimm-a, gh'
ea tanto streito che pe posame me tuccou mette strapunta
in sce-a ringhea!
Mi no so comme agge faeto... a te m' ha guagnu de man!
A t' ae cheita zu? E mi ghe su' anaetu aproeu,
però ghe son cheito adosso eh! Immaginnite cose
t' ae sciortio feua, ciù 'n po' sceuppa o
ballou." Povou ommo! O l'é morto" Chi diva ciamae
a croxe verde, chi no o tuccae! Mi invece, ea lì
che m' assunava che me paiva d' avei piggiou 'n lerfon
da-a Cataen, accompagnou da-a malattia do seunno! Tutt'
assemme me sento tuccà: mollatemi che mi iso da
me! Te spunta na scignua con 'na botiggia de Cognacche
"Datecene un bicchiere!" e lì colla; spunta un
buttegà con un gotto de Fernet, e lì
colla; vegne n' atra vexinn-a co unn-a lampa de rhum, e
lì colla; a serva do trei: "Mi manda la
signora..." E lì zu, meza botiggia de Strega! E
no rinvegniva mai! "dateci del vino!" me l'han daeto
de-e çinque taere, o bello o l'é che doppo
aveilo bevuo, me son issou e no vedea mai taera! Paiva
Cristoforo Colombo alla scoperta dell' America! Anzi,
quande l' ho vista ghe su'anaeto t' ou lì! So
introu co unn-a
strapunta e son sciurtiu con unn-a sbornia a diciotto
carati!
" Eh scì e disgrassie quand' han da succede" L'
atr' otta turna! A scià Parodinn-a a me manda a
ciammà che ghe vadde a camallà o bailo che
ghe l' ha faeto vegnì o vexin da l' America;
vaddo in casa, e a l' eu che primma ghe dagghe recatto,
che ghe mette e moiette, che ghe daggh' a pittua, che
ghe dagghe l' euio a-a ciaveuia, ch' ammie s' o sera ben
e che ghe fasse ' na maneggia; mi gh' o dito: ma
scignua! ma io faccio il camallo sa? non faccio mica il
crumiro nu! Ci faccia dare recatto anche dal primo che
passa, che passo a pigialo quand' è pronto!